Home »Pooja »Aarti» Aarti Important In Hindu Mythology

આપણે પૂજા-પાઠ પૂર્ણ કર્યા પછી આરતી શા માટે કરીએ છીએ ?

Dharm Desk, Ahmedabad | Feb 13, 2015, 15:44 PM IST

  • આપણે પૂજા-પાઠ પૂર્ણ કર્યા પછી આરતી શા માટે કરીએ છીએ ?,  aarti news in gujarati
ધર્મ ડેસ્ક, અમદાવાદઃપુષ્પોની સુગંધની જેમ આપણો યશ દૂર સુધી ફેલાય અને આપણે પ્રસન્નતા ભર્યું જીવન જીવીએ. આરતી એટલે આર્ત થઇને, વ્યાકુળ થઇને ભગવાનને યાદ કરવા, તેમનું સ્તવન કરવું. આરતી પૂજા બાદ અંતમાં ધૂપ, અગરબત્તી, કપૂર, દીપથી કરવામાં આવે છે. તેના વગર પૂજા અધૂરી ગણાય છે. આરતીમાં એક, ત્રણ, પાંચ, સાત જેવી વિષમ સંખ્યાઓના દીવાનો પ્રયોગ કરાય છે. આરતી ચાર પ્રકારની હોય છે: - દીપ આરતી- જળ આરતી- ધૂપ, કપૂર, અગરબત્તી વગેરેની આરતી - પુષ્પ આરતી દીપ(દીવાની) આરતી- દીવો પ્રગટાવી આરતી કરવાનો આશય એટલે આપણે સંસારમાં પ્રકાશ ફેલાય તે માટે પ્રાર્થના કરવી. 
 
જળ આરતી – જળ જીવનનું પ્રતીક છે. જળ આરતી કરવાનો આશય એટલે જીવનરુપી જળ દ્વારા ઈશ્વરની આરતી કરવી. 

ધૂપ, કપૂર, અગરબત્તીની આરતી – ધૂપ, કપૂર અને અગરબત્તી સુગંધનું પ્રતીક છે. તે વાતાવરણને સુગંધિત કરે છે અને આપણા મનને પ્રસન્ન કરે છે. 
 
પુષ્પ આરતી – પુષ્પ સુંદરતા અને સુગંધના પ્રતીક હોય છે. અન્ય કોઈ સાધન ન હોય ત્યારે પુષ્પની આરતી કરવામાં આવે છે. આરતી એક વિજ્ઞાન છે. આરતીની સાથે-સાથે ઢોલ-નગારા, શંખ, ઘંટ વગેરે વાદ્યો વગાડવામાં આવે છે. આ વાદ્યોની ધ્વનિથી જીવાણુઓ નાશ પામે છે. વાતાવરણ પવિત્ર થાય છે. દીપક અને ધૂપની સુગંધથી ચારે તરફ સુગંધ ફેલાય છે. પર્યાવરણ પણ સુગંધથી ભરાઇ જાય છે. 
 
આરતી બાદ હાથમાં ફૂલ લઇને મંત્રો સાથે ભગવાનને પુષ્પ સમર્પિત કરવામાં આવે છે અને પ્રાર્થના કરવામાં આવે છે. તેનો ભાવ એ જ હોય છે કે આ પુષ્પોની સુગંધની જેમ આપણો યશ દૂર સુધી ફેલાય અને આપણે પ્રસન્નતા ભર્યું જીવન જીવીએ.
(Aarti Gujarati News) સાથે જોડાયેલા અન્ય (Pooja Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Aarti Important in Hindu Mythology
(Read News in Gujarati from Divya Bhaskar)

    Next Article

    Recommended