શુક્ર મહેરબાન, તો રોમાન્ટિંક સાથી અને રૂપિયાની ભરમાર!

Dharm Desk, Ahmedabad | May 27, 2011, 08:19AM IST

Article

જ્યોતિષશાસ્ત્રમાં રોમાન્સ અને સારા લગ્નજીવનનો વિચાર શુક્રની સ્થિતિને આધારે નક્કી કરવામાં આવે છે. ધન, એશ્વર્ય અને ભૌતિક સુખ-સુવિધાઓ પણ શુક્રની મહેરબાનીથી જ પ્રાપ્ત થાય છે. જો કોઈ વ્યક્તિની કુંડળીમાં શુક્રગ્રહ પોતાની ઉચ્ચ રાશિ અર્થાત મીન રાશિમાં હોય તો તે વ્યક્તિ ઘણો રોમાન્ટિક, પ્રેમી કે જીવનસાથીને હંમેશા સુખ આપનાર હોય છે. અને તેને બધી ભૌતિક સુખ-સુવિધાનું સુખ પ્રાપ્ત થાય.
કોઈ વ્યક્તિનો શુક્ર જો નીચ હોય તો તે વ્યક્તિનું જીવન નિરસ થઈ જાય છે. શુક્ર નીચ ન હોય તો વ્યક્તિના એક કરતા વધુ પ્રેમ પ્રસંગ પણ થઈ શકે છે. જે લગ્ન પછી પણ ચાલુ રહી શકે છે. બધાની કુંડળીમાં શુક્ર ઉચ્ચ રાશિમાં હોય તેવું શક્ય નથી હોતુ, પરંતુ તમે શુક્રને લગતા ઉપાય કરી ઉચ્ચ શુક્રનું ફળ મેળવી શકો છો.

-જીવનસાથીનો પ્રેમ ન મળી રહ્યો હોય તો પોતે પત્નીના વજન બરાબર લાલ જ્વાર(જુવાર) અને દહીંનું દાન કોઈ બ્રાહ્મણ કે ગરીબ જરૂરિયાતવાળી વ્યક્તિને કરો.

-સફેદ રેશમી કપડાંનું દાન કરો.

-ખાવામાં બદામનો ઉપયોગ કરો.

-સુગંધિત વસ્તુઓનો વધુમાં વધુ ઉપયોગ કરો.

-બટાકા બાફીને પીળા કરીને કાળી ગાયને ખવડાવો.

-નવ વિવાહિત સ્ત્રીને ભોજન કરાવી અને દાન આપો.

-રોજ સફેદ ગાયને ચારો ખવડાવી સેવા કરો.