આ વખતે વેલેન્ટાઈન-ડે ઉપર ચટ મંગની પટ બ્યાહના યોગ બની રહ્યા છે. વેલેન્ટાઈન-ડે ઉપર અનોખો સંયોગ બની રહ્યો છે. આ દિવસે પ્રપોઝલની સાથે જ લગ્ન પણ કરી શકો છો. એવો સંયોગ ખૂબ જ ઓછો બને છે. જ્યોતિષની દ્રષ્ટિએ જોઈએ તો આ વખતે પ્રેમનો તહેવાર મોટાભાગના પ્રેમીઓ માટે કંઈક ખાસ રહેશે.
આ વખતે મોટાભાગના પ્રેમીઓને સફળતા મળવાના યોગ છે. આમ તો આ દિવસે લગ્ન માટે કોઈ શુભ મૂહુર્ત નથી પરંતુ લગ્ન માટે પ્રપોઝ કરવા અને લવ મેરેજ કરવા માટે પ્રેમનો આ દિવસ શુભ ફળ આપનારો રહેશે.
14 ફેબ્રુઆરીના રોજ ધાર્મિક રીત-રિવાજ પ્રમાણે કોઈ મૂહુર્ત નથી પરંતુ કોર્ટ મેરેજ કરી શકે છે. આ વર્ષ પ્રેમ, પૈસા અને દરેક શોખ પૂરો કરનાર ગ્રહ અનુકૂળ સ્થિતિમાં છે.
જી, હાં, આ વર્ષે વેલેન્ટાઈન-ડે ઉપર શુક્ર પોતાની ઉચ્ચ રાશિમાં રહીને શુભ ફળ આપનાર રહેશે. એટલા માટે મીન, વૃશ્ચિક, વૃષબ, તુલા, કર્ક, મિથુન, કન્યા, કુંભ રાશિવાળા માટે શુક્રનું પોતાની ઉચ્ચ રાશિમાં હોવું શુભ ફળ આપનારું રહેશે.
પ્રેમના આ તહેવાર ઉપર ગજકેસરી યોગ પણ બની રહ્યો છે, સાથે જ ઉચ્ચ રાશિના શુક્ર ઉપર સિંહ રાશિના વક્રી મંગળની દ્રષ્ટિ પડી રહી છે. ગ્રહોની સ્થિતિ પ્રેમીઓના પક્ષમાં રહેશે. ઉપર બતાવેલ રાશિઓના લોકોને સફળતા અને લાભ મળવાના પૂરાં યોગ બની રહ્યા છે. જ્યારે શુક્ર પોતાની ઉચ્ચ રાશિમાં હોય તો તે શુભ ફળ આપનારો હોય છે.
